AIA News

اسلام آباد ( اے آئی اے ) قومی اسمبلی نے ضمنی مالیاتی ترمیمی بل کی کثرت رائے سے منظوری دے دی ہے تفصیلات کے مطابق سپیکر اسد قیصر کے زیر صدارت قومی اسمبلی کا اجلاس ہوا جس میں وزیر خزانہ اسد عمر نے ضمنی مالیاتی ترمیمی بل 2018ء منظوری کے لیئے پیش کیا سپیکر اسد قیصر نے وائس ووٹنگ کے ذریعے بل کی منظوری کا عمل شروع کیا تو اپوزیشن کی جانب سے شق 2 کو چیلنج کیا گیا اور اس پر رائے شماری کا مطالبہ کیا گیا جسے سپیکر نے منظور کر لیا قومی اسمبلی میں ضمنی مالیاتی ترمیمی بل 2018ء کی شق 2 پر رائے شماری کی گئی جس کی حمایت میں 158 اور مخالفت میں 120 ووٹ آئے ایوان میں بل کی شق وار منظوری لی گئی بل میں آخری ترمیم پی پی رکن کی جانب سے پیش کی گئی جس میں اراکین اسمبلی کی تنخواہیں اور مراعات بڑھانے سمیت پنشن کا حق دینے کا بھی مطالبہ کیا گیا۔ قومی اسمبلی نے اپوزیشن کی جانب سے پیش کی گئی 4 ترامیم کو مسترد کرتے ہوئے بل کو کثرت رائے سے منظور کر لیا۔ ترمیمی بل کے مطابق نان فائلر کی جانب سے گاڑی کی بکنگ یا خریداری کی درخواست قبول کرنے والے تاجر کو گاڑی کی مالیت کا پانچ فیصد جرمانہ ہو گا نان فائلر کی جائیداد , مقامی یا امپورٹڈ گاڑی کی رجسٹریشن کی درخواست قبول کرنے یا اس میں مدد کرنے والے کو گاڑی یا غیر منقولہ جائیداد کی مالیت کا تین فیصد جرمانه ہو گا اوورسیز پاکستانیز , وراثتی جائیداد اور 200 سی سی سے کم انجن والی موٹر سائیکل , رکشے اور چنگ چی کیلئے فائلر بننے کی شرط ختم کر دی گئی ہے جائیداد خریداری کے لیئے تارکینِ وطن کو غیر ملکی زرِمبادلہ دکھانا ہوگا