ایسا پاکستان بنانا چاہتے ہیں جو دنیا میں عالمی طاقت کے طور پر ابھرے ، وزیراعظم عمران خان

ایسا پاکستان بنانا چاہتے ہیں جو دنیا میں عالمی طاقت کے طور پر ابھرے ، وزیراعظم عمران خان

اسلام آباد ( اے آئی اے ) وزیراعظم عمران خان کا کہنا ہے کہ ایسا پاکستان بنانا چاہتے ہیں جو دنیا میں ایک عالمی طاقت کے طور پر ابھرے ان خیالات کا اظہار وزیراعظم عمران خان نے نیشنل ڈیفنس یونیورسٹی کے دورے کے موقع پر سیمینار سے خطاب کرتے ہوئے کیا دورے کے دوران وزیراعظم عمران خان نے انفارمیشن اور کمیونیکیشن ٹیکنالوجی پر سیمینار کرانے پر نیشنل ڈیفنس یونیورسٹی (این ڈی یو) کی تعریف کی وزیراعظم عمران خان نے پاکستان کی ری بوٹنگ کے حوالے سے سیمینار سے خطاب کرتے ہوئے کہا کہ حکومت انفارمیشن اور کمیونیکیشن ٹیکنالوجی کے شعبہ کے لیے سازگار ماحول اور تعاون فراہم کرے گی انہوں نے کہا حکومت پاکستان کو خود انحصار ملک میں بدلنا چاہتی ہے انفارمیشن اور کمیونیکیشن ٹیکنالوجی کے شعبہ میں روزگار کے بہت مواقع ہیں ، پاکستان کی نوجوان نسل کو ہنر مند بنانے کی ضرورت ہے پاک فوج کے سپہ سالار جنرل قمر جاوید باجوہ ، وفاقی وزیر سائنس و ٹیکنالوجی فواد چودھری ، گورنر سندھ عمران اسماعیل ، نیشنل ڈیفنس یونیورسٹی کے صدر لیفٹیننٹ جنرل محمد سعید ، ملکی اور عالمی ماہرین ، پاک فوج کے سینئر آفیسرز و دیگر بھی سیمینار میں موجود تھے

About author